Quality Label

X’inhi l-Quality Label?

Il-Quality Label tingħata lid-dipartimenti jew entitajiet li jinvestu fil-kwalità tas-servizz. Il-kisba tal-Label tinvolvi diversi stadji li jridu jitwettqu bir-reqqa, taħt ir-responsabbiltà tad-Direttorat għall-Kwalità tas-Servizz. Dawn l-istadji jinkludu prinċipalment:

Twettiq ta’ Business Process Review (BPR): Biex jiġi żgurat li jiġu osservati l-ogħla standards li jirriflettu f’servizz ta’ eċċellenza.
Stħarriġ dwar is-sodisfazzjon tal-impjegati: Isir fost l-impjegati tad-dipartiment jew entità kandidat biex jiġu mqabbla l-ħiliet tagħhom, identifikat it-taħriġ meħtieġ, u tinġabar informazzjoni dwar kif iħossuhom fuq il-post tax-xogħol.
Taħriġ fil-Customer Care: Biex jiġi żgurat servizz ta’ eċċellenza.
Tnedija taċ-Charter ta’ Servizz ta’ Kwalità: Biex il-klijenti tad-dipartiment jew entità jiġu infurmati dwar il-livell ta’ servizz mistenni.
Evalwazzjoni tal-Kwalità tas-Servizz: Permezz ta’ diversi għodod ta’ monitoraġġ, fosthom Mystery Shopping, Stħarriġ tal-Klijenti, u Assessjar tal-Kwalità.

Ir-rakkomandazzjonijiet kollha li joħorġu minn dawn il-proċessi jiġu segwiti b’pjan ta’ azzjoni adegwat u monitoraġġ regolari.

Ladarba l-evalwazzjoni tal-kwalità tas-servizz tkun kompluta, ir-riżultati jiġu ppreżentati lill-Uffiċċju tas-Segretarju Permanenti għall-approvazzjoni tiegħu. Dawk id-dipartimenti jew entitajiet li jiksbu marka ogħla minn 80% fl-evalwazzjoni tal-Kwalità huma eliġibbli li jiksbu il-Quality Label.

Dan il-premju mhux għan fih innifisu, iżda iġorr miegħu sfidi biex jinżammu l-istandards permezz ta’ diversi eżerċizzji ta’ assessjar tal-kwalità mwettqa mid-Direttorat għall-Kwalità tas-Servizz, kif ukoll permezz ta’ monitoraġġ intern mħaddan mid-dipartiment/entità. Hemm ukoll Politika ta’ Sospensjoni biex tiġi żgurata li l-entitajiet li jingħataw il-Label iżommu l-istandards tal-kwalità li għalihom ġew rikonoxxuti, kif ukoll jibqgħu impenjati li jżommuhom. Jekk id-dipartiment jew entità jonqsu milli josservaw it-termini stabbiliti, il-Quality Label tiġi sospiża.

Aktar informazzjoni dettaljata dwar il-Quality Label tista’ ssibha fil-Manwal.

Wara li d-dipartiment jew entità tikseb il-Quality Label, issir eliġibbli għall-premju prestiġjuż tal-Qualilty Award. Dan il-premju jingħata lil dawk id-dipartimenti jew entitajiet li żammew livelli għoljin ta’ kwalità tas-servizz tul is-snin, kif imkejla b’diversi għodod ta’ assessjar tal-kwalità, u li wrew impenn biex iżommu dawn l-istandards. Dawn huma l-entitajiet li ngħataw il-Quality Award: